Біздің филиалдар

"Өрлеу" буклет

Жабу
  Көру үшін басыңыз

Біліктілік арттыру курстары – үздіксіз кәсіби даму кепілі

14.02.2018 pdf_icon 79 pdf_iconPDF ВЕРСИЯСЫН - КӨШІРУ

2018 жылдың 12 ақпаны – 7 наурызы аралығында «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының ұйымдастыруымен облыс бойынша Қазақстан Республикасы орта білім мазмұнын жаңарту аясында 16 біліктілік арттыру курстары өткізілуде. Жаңартылған білім беру мазмұнының мақсаты – білім мазмұнын жаңартумен қатар критериалды бағалау жүйесін енгізу және оқытудың әдіс-тәсілдері мен әртүрлі құралдарын қолданудың тиімділігін арттыру, білімдерін жетілдіру.

Курс барысында курс тыңдаушыларына жаңартылған білім беруде үйлесімді білім беру ортасын құра отырып, сын тұрғысынан ойлау, зерттеу жұмыстарын жүргізу, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты тиімді оқыту əдіс-тəсілдерін қолдану жолдары және жаңартылған білім беру мазмұнының басты ерекшеліктерімен таныстырылып, бағдарламаны іске асыру, жоспарлау жүйесімен жұмыстар жүргізіледі.

Сонымен қатар 12-22 ақпан аралығында 2 қысқа мерзімді біліктілік арттыру курстары яғни, балабақша тәрбиешілеріне арналған «Мектепке дейінгі білім беру мазмұнын жаңарту жағдайындағы әдістемелік жұмыстың ұйымдастырушылық-педагогикалық аспектілері», қазақ және орыс тілдерінде оқытатын орта білім ұйымдарының информатика, математика және физика пәндерінің мұғалімдеріне арналған «Робототехника негіздері» тақырыптарында біліктілік арттыру курстары өткізілуде.