Ағымдағы жылдың 6 желтоқсан күні Орал қаласы Жастар мәдениет үйінде білім беруді дамыту орталығының ұйымдастыруымен облыстық «Жас мамандар слеті» педагогикалық фристайлінің IV шақырылымы өтті. Жас мамандардың жұмыстарына қолдау көрсету, кәсіби шеберліктерін шыңдау, білім сапасын жақсарту барысындағы өткен слетке әдістемелік көмек беру мақсатында Оралдағы «Өрлеу» институтының Кәсіби білім беру кафедрасының бас әдіскері Дуйсенгалиева Кулян қатысты.
Педагогикалық фристайлдің І бөлімінде жас мамандар білім беру ұйымдарындағы сабақтар мен сыныптан тыс шараларға, үйірме жұмыстарына, шеберлік сыныптарға қатысып, іс-тәжірибелерімен таныстырды. Слетте креативті шығармашылығымен көзге түскен жас педагогтер марапатталды. Сондай-ақ шараның өз деңгейінде өтуіне қолдау көрсеткені үшін Оралдағы «Өрлеу» ұжымына алғыс хат табысталды.
