«Мұғалімдердің кәсіби дамуындағы ХХІ ғасыр дағдылары» тақырыбындағы кеңейтілген Ғылыми кеңес өтті. Ғылыми кеңесті өткізудегі мақсат – «Өрлеу» БАҰО филиалының Жамбыл облысы бойынша Кәсіби даму институтының аға оқытушылары Э.Б.Мирзалиева мен Ж.С.Хайрушевалардың «Болашақ» халықаралық бағдарламасы аясында тағылымдамадан өту нәтижелері бойынша ақпараттар ұсыну. Эстония тәжірибесін оқу үрдісіне енгізіп, бірлескен жұмыстар жоспарланған білім ұйымдарының қызметкерлерімен бірге Эстонияның білім беру бағыттары бойынша талқылау жүргізілді. Оқытушы-стипендиаттар әріптестерімен тілді меңгеру, функционалдық сауаттылықты дамыту бойынша жұмыс, ерекше қажеттіліктері бар балаларға білім беру және қолдау және т.б. өзекті бағыттарда өзара тәжірибе алмасты.
