2 маусымда «ORDA» колледжінде «Өрлеу» Қызылорда облысы бойынша филиалының директоры Бауыржан Елеусіновпен «Бүгінгі студент – ертеңгі маман» тақырыбында тағылымды кездесу болды.
Білім ордасының 1-курс студенттері қатысқан кездесу кешінде ғалым-ұстаз еліміздің білім саласында жасалып жатқан реформаларға тоқталып, ел болашағы – жастардың ақылы мен ой-парасатының жетілуі, оқудың қажеттілігі, білім алудың маңызы, уақытты тиімді пайдалану жайында келелі ойларымен бөлісті. Сонымен қатар, жас буынның мамандық таңдауда қателік жібермеуі, оған ата-аналар тарапынан кең қолдау қажет екені айтылды.
Басқосуда педагогика мамандығының білім алушылары өздерін толғандырып жүрген сұрақтарын қойып, тағылымы мол дәріс алды. Кездесу соңында ғалым-ұстаз колледж кітапханасына авторлығымен жарық көрген кітаптарын тарту етті.
