Ағымдағы жылдың 22.04 – 03.05 аралығында Түркістан облысы, Келес ауданы №5 ЖББМ базасында “Өрлеу” БАҰО АҚ «Түркістан облысы және Шымкент қаласы бойынша КДИ» филиалының жылдық оқу жоспарына сай «Қазақ тілі» және «Қазақ әдебиеті» пәндері педагогтерінің пәндік және кәсіби құзыреттіліктерін дамыту» тақырыбында біліктілікті арттыру курсы өткізілуде. Курс барысында филиалдың аға оқытушысы С.О.Жолшыбекова курс тыңдаушыларына теория мен практиканы ұштастыруда мектеп мұғалімдеріне қажетті ең өзекті мәселелерді қозғады. Түркістан облысы, Келес ауданы №31 Ш.Уәлиханов атындағы ЖББМ қазақ тілі мен әдебиеті пәнінің мұғалімі Б.Р.Ордашова курстағы әріптестерге «БЖБ мен ТЖБ құрастырудың тиімді әдіс-тәсілдері» тақырыбында шебер сынып өткізді. Іс-шара барысында Б.Р.Ордашова көлемді оқу мақсатын бірнеше тапсырмаларға берілетіндігін, ал бірнеше мақсатты бір тапсырмамен орындауға болатын тиімді тәсілдерімен бөлісті. Әрбір топтағы түсінген әріптестер бір сыныптың БЖБ тапсырмаларын өздері құрастыра білді. Тренер С.Жолшыбекова кері байланыс жасап, іс-шараны қорытындылады.
