PISA халықаралық зерттеулері аясында математика пәні мұғалімдеріне вебинар ұйымдастырылды

«Өрлеу» БАҰО» АҚ «ТО және Шымкент қаласы бойынша КДИ» филиалы 2022 жылдың 14 сәуірінде Шымкент қаласы Білім басқармасымен, Түркістан облысы адами әлеуетті дамыту басқармасымен ынтымақтастық туралы келісім-шартына және Өрлеу «БАҰО» АҚ Павлодар облысы филиалымен серіктестік өзара іс-қимыл жоспарына сәйкес PISA халықаралық зерттеулерінің талаптары аясында оқушылардың ғылыми-жаратылыстану бағытындағы функционалдық сауаттылықты қалыптастыру әдістемесі бойынша вебинар өткізді. Вебинарды «Өрлеудің» Павлодар облысы бойынша филиалдың тренері Бибигуль Амирхановна Жаукенова жүргізді. Іс-шараға Шымкент қаласы және Түркістан облысы мектептерінің директорлар орынбасарлары, әдіскерлер, PISA бойынша математикалық сауаттылықты дамыту бағдарламалары бойынша тренерлер, математика пәні мұғалімдері қатысты, жалпы – 270 педагог қамтылды. Вебинарда PISA тапсырмаларын оқу процесінде интеграциялау мәселелері қаралып, математика сабақтарында оқушылардың функционалдық сауаттылығын қалыптастыру бойынша әдістемелік ұсынымдар берілді.

Наши филиалы