Өрлеу-Маңғыстау филиалында мектепке дейінгі ұйымның жас мамандарына арналған интенсив курсы жалғасуда.
Кезекті семинар «Мектепке дейінгі мекемеде дамытушы орта кеңістігін ұйымдастыру» тақырыбында өтті. Мектепке дейінгі ұйымның заттық-кеңістіктік дамытушы ортасын құру және «Reggio Emilia» тәсілі туралы түсінік қалыптастырып, шағын топтарда жұмыс жасады. Нәтижесінде қатысушылар мектепке дейінгі ұйымның тәрбие-білім беру үдерісінде дамытушы орта кеңістігін ұйымдастыру жолдарын меңгеріп, «5-5-1» әдісі арқылы семинар кезінде нені меңгергені жайлы 5 сөйлем жазып, 5 сөйлемді 5 сөзге дейін қысқартып, 5 сөзді 1 сөзге қысқартып, түйінді сөзді айтып рефлексияларымен бөлісті.