«Orleu: EDU Turkistan» республикалық ғылыми-әдістемелік журналының редакциялық саясаты
Жалпы ережелер
Осы редакциялық саясат «Orleu: EDU Turkistan» республикалық ғылыми-әдістемелік журналы қызметінің негізгі қағидаттарын, мақсаты мен міндеттерін, бағыттарын, сондай-ақ жарияланымдарға және оларды қарау рәсіміне қойылатын талаптарды айқындайды.
Журнал білім беру саласындағы озық педагогикалық тәжірибемен, педагогикалық зерттеулер нәтижелерімен, әдістемелік әзірлемелермен және инновациялық тәсілдермен алмасу үшін тұғырнама болып табылады, сондай-ақ білім беру қызметіндегі заманауи педагогикалық практикалар мен инновациялық әдістерді танымал етуге бағытталған.
Журнал мектепке дейінгі, бастауыш, негізгі орта, жалпы орта, орта білімнен кейінгі білім беру педагогтеріне, педагогикалық мамандықтардың студенттеріне, педагогика саласындағы магистранттарға және өзге де мүдделі тұлғаларға арналған.
Мақсаты мен міндеттері
Мақсаты: оқыту мен тәрбие берудi жетiлдiруге, бiлiм сапасын арттыруға және педагогикалық қауымдастықта кәсiби диалогты нығайтуға ықпал ететiн өзектi зерттеулер, әдiстемелiк материалдар мен инновациялық тәжірибелерді жариялау арқылы педагогтерді қолдауға және дамытуға бағытталған кәсiби және ғылыми-әдiстемелiк кеңiстiк құру.
Міндеттері:
- Білім беру мазмұнын дамытуға, оқыту мен тәрбие беру әдістерін жетілдіруге, сондай-ақ инновациялық білім беру шешімдерін енгізуге бағытталған ғылыми және әдістемелік материалдарды жариялау.
- Практикалық бейімдеуге назар аудара отырып, білім берудің әртүрлі деңгейлері үшін өзекті педагогикалық зерттеулердің нәтижелерін ілгерілету.
- Озық педагогикалық тәжірибені жинақтау және тарату, оның ішінде біліктілікті арттыру курстары тренерлерінің, педагог-практиктер мен әдіскерлердің әзірлемелерін қоса алғанда.
- Педагогтер арасында кәсіби диалог үшін жағдай жасау.
- Цифрлық технологиялар, инклюзивті білім беру, сараланған тәсіл, функционалдық сауаттылықты қалыптастыру және басқа да заманауи үрдістерді қоса алғанда, оқыту мен тәрбиелеудің тиімді тәсілдерін тарату.
- Білім беру жүйесі педагогтері мен мамандары арасында ғылыми-зерттеу және әдістемелік мәдениетті дамытуға ықпал ету.
Жарияланым бағыттары
Журнал келесі бағыттар бойынша мақалалар, ғылыми зерттеулер, шолулар, әдістемелік әзірлемелер мен талдамалық материалдарды жариялайды:
Білім берудегі менеджмент: білім беру ұйымдарын басқару мәселелері, педагогикалық көшбасшылық, стратегиялық жоспарлау, цифрлық басқару және т.б.
Пәндерді оқыту әдістемесі: оқытудың заманауи технологиялары, дидактикалық тәсілдер, пәндік стратегиялар, пәнаралық байланыстар және т.б.
Тұлғаны тәрбиелеу және дамыту, қосымша білім беру: әлеуметтік-адамгершілік тәрбие, құндылықтарды қалыптастыру, білім алушыларды психологиялық-педагогикалық қолдау, мәдени және рухани даму және т.б.
Арнайы және инклюзивті білім беру: инклюзивті педагогика, ерекше білім беру қажеттіліктері бар балаларды қолдау, түзету технологиялары және т.б.
Үздіксіз кәсіби даму: біліктілікті арттыру, педагогикалық шеберлік, аттестаттау, тәлімгерлік, кәсіби өзін-өзі дамыту, бүкіл қызметі барысында педагогтің құзыреттілігін дамыту және т.б.
Басылымның мерзімділігі мен форматы
«Orleu: EDU Turkistan» журналы жылына алты рет (екі айда бір рет) электрондық форматта шығарылады, бұл жарияланатын материалдардың педагогикалық қауымдастық пен барлық мүдделі оқырмандар үшін кең қолжетімділігін қамтамасыз етеді.
Материалдарды ұсыну және қарау рәсімі
Мақалалар редакцияға журнал сайты арқылы, электрондық пошта (orleuedu-turkistan@orleu.edu.kz) немесе өзге де ресми байланыс арналары арқылы жіберіледі. Барлық материалдар редакциялық алқаның алдын ала іріктеуінен, «Антиплагиат» жүйесі арқылы міндетті тексеруден және сараптамалық рецензиялаудан өтеді.
Рецензиялауды құпиялылық және академиялық адалдық қағидаттарын сақтай отырып, білім беру саласындағы бейінді мамандар жүргізеді. Оң қорытынды болған жағдайда мақала жариялауға қабылданады, қажет болған жағдайда авторға түзетуге, толықтыруға қайтарылуы мүмкін.
Мақаланы жариялау үшін ақы төлеу тәртібі мен құнын «Өрлеу» ҰБАО» АҚ белгілейді және автор мақаланы редакциялық кеңес мақұлдағаннан кейін ақы төлеуді жүргізеді. Төлем туралы түбіртек журналдың электрондық поштасына жіберіледі.
Жарияланым этикасы
Журналдың редакциясы академиялық адалдық қағидаттарын қатаң ұстанады.
- Плагиат, оның ішінде өзіндік плагиат;
- деректерді бұрмалау;
- жосықсыз ғылыми мінез-құлықтың кез келген нысандарына жол берілмейді.
Авторлар келтірілген деректердің нақтылығына, дәйексөздің дұрыстығына және этикалық стандарттардың сақталуына дербес жауап береді.
Мақалаларға қойылатын талаптар
«Orleu: EDU Turkistan» журналына журналдың тақырыптық бағытына сәйкес келетін, бұрын жарияланбаған және түпнұсқа мақалалар қабылданады. Мақала электрондық форматта (.doc, .docx, .rtf форматтарында) ұсынылады.
Жарияланым тілдері: қазақ, орыс, ағылшын.
Мақалаларға қойылатын талаптар
Мақала өзекті, ғылыми жаңалығы және практикалық маңызы болуы тиіс.
Мәтіннің түпнұсқалығы («Антиплагиат» жүйесі арқылы тексеру нәтижелері бойынша) кем дегенде 70% -ды құрауы тиіс.
Мақаланың көлемі (авторлар туралы мәліметтерді, аңдатпаны, кілт сөздерді, библиографиялық тізімді есепке алмағанда) кемінде 1 000 сөзден кем болмауы және 7 000 сөзден аспауы тиіс.
Қаріп кеглі – 12 (аңдатпа, кілт сөздер, әдебиет, кестелердің мәтіні – 10), қаріп – Times New Roman, туралау – мәтіннің ені бойынша, аралық интервал – бір, азат жол шегінісі – 1 см, шеттері: жоғары және төменгі – 2 см, сол және оң жақ – 2 см.
Суреттер, кестелер, сызбалар, диаграммалар және т.б. нөмірленуі мен атауы көрсетіле отырып, тікелей мәтінде ұсынылады (Мысалы, 1-сурет – Суреттің атауы). Суреттер, кестелер, сызбалар мен диаграммалар саны мақаланың барлық көлемінің 30% -ынан аспауы тиіс.
Журнал нөміріндегі бір автордың мақалаларының ең көп саны – 1. Жылына 1 автор 2 реттен артық жариялай алмайды. Мақаланың ең жоғары көлемі кезінде тең авторлар саны 5-тен аспауы тиіс.
Мақаланы рәсімдеу тәртібі:
- ҒТАМР индексі (ғылыми-техникалық ақпараттық мемлекетаралық рубрикаторы) мақаланың сол жақ жоғары бөлігінде қалың қаріппен, мақала тілінде орналастырылады (https://grnti.ru/).
- Авторлардың аты-жөні және тегі, жұмыс орны (оқу), қала, ел (кіші әріптермен курсивпен, туралау- ортасында)
- Мақаланың тақырыбы (7–12 сөз), бас әріптермен, ортасында (мақала тілінде).
- Аңдатпа тақырып бойынша 100-ден кем емес және 300-ден артық емес сөз, кілт сөздер /сөз тіркестері (5/10 кем емес) (мақала тілінде).
Аңдатпа қамтиды: Мәселенің қойылуы, зерттеу мақсаттары, зерттеу әдістері, нәтижелер және негізгі қорытындылар.
- Одан кейін 2,3,4 пункттер қазақ/орыс және ағылшын тілдерінде
- Мақаланың құрылымы келесі құрылымға сәйкес келуі керек:
- Кіріспе: зерттеудің өзектілігі, әдебиеттерге қысқаша шолу, зерттеудің мақсаты мен маңыздылығы.
- Материалдар мен әдістер: зерттеу әдістемесі, пайдаланылған материалдар, әдістер, әдісгнама,, іріктеу және т.б. сипаттамасы.
- Нәтижелер мен талқылау: орындалған жұмыс нәтижелері, деректерді түсіндіру және талдау, нәтижелерді басқа зерттеушілердің тәжірибелерімен салыстыру.
- Қорытынды: мақаланың бөлімдерінің қысқаша тұжырымдары, тұжырымдарды қайталамай.
- Алғыс білдіру (бар болса): зерттеуді қаржылай қолдағаны үшін алғыс, әріптестеріне көмек көрсеткені үшін алғыс және т. б.
- Пайдаланылған әдебиеттер тізімі мәтіннен кейін ГОСТ 7.1-2003 сәйкес ресімделеді және ККСОН базасына кіретін және/немесе Web of Science және/немесе Scopus-та индекстелетін жарияланымдарға міндетті сілтемелерді қоса алғанда, кемінде 5 және 30-дан артық емес дереккөзді (мақала көлеміне байланысты) қамтуы тиіс. Дереккөздердің кем дегенде 50% – ы соңғы 5 жылда жарық көрген жұмыстар болуы қажет. Тиісті дереккөздерге сілтемелер мәтінде қолданылу ретіне қарай тік жақшада рәсімделеді.