«ӨРЛЕУ» БІЛІКТІЛІКТІ АРТТЫРУ ҰЛТТЫҚ ОРТАЛЫҒЫ» АКЦИОНЕРЛІК ҚОҒАМЫ
Мәдениет және этика: қағидалардан тәжірибеге дейін
«Өрлеу» біліктілікті арттыру ұлттық орталығы» акционерлік қоғамы – білім беру мазмұнын әзірлеумен, қолданбалы зерттеулер жүргізумен және озық іс-тәжірибелерді таратумен айналысатын Қазақстандағы мұғалімдердің кәсіби дамуы бойынша жетекші орталық. Атқарып отырған іс-әрекетіміз айрықша жауапкершілікті және жоғары сапалы стандарттарды талап етеді.
Директорлар кеңесі мен Қоғам басқармасы сыбайлас жемқорлықтың барлық көріністеріне мүлде қарсы болу қағидаттарын қатаң ұстанады.
Қоғамның беделі оның әрбір қызметкеріне байланысты екенін түсінеміз. Біздің міндетіміз – жоғары этикалық стандарттарды сақтау және контрагенттермен, мемлекеттік органдармен және өз ұйымымыз ішінде сыбайлас жемқорлықтан бас тартуды көрсету.
Заңсыз әрекеттердің алдын алуға бағытталған құралдар мен механизмдерді белсенді түрде жасау жүзеге асырылады. Ол үшін Іскерлік этика кодексі және Сыбайлас жемқорлыққа қарсы іс-қимыл саясаты қолданылады, комплаенс-офицер тағайындалып, кез келген адами бұзушылықтар туралы жасырын түрде хабарлай алатын Жедел желі жұмыс істейді.
Егер этика және сыбайлас жемқорлыққа қарсы іс-қимыл мәселелері туындаса, этика мәселелері бойынша уәкіл – комплаенс-офицерге жүгініңіз, ол қажетті қолдау көрсетеді және түсініктеме береді.
Құрметпен,
Айдана Шилибекова,
«Өрлеу» БАҰО басқарма төрайымы