Қазіргі білім берудің маңызды міндеті баланы ізденуге, зерттеу дағдылары мен дағдыларын игеруге үйрету болып табылады. Зерттеуді оқытудың басты мақсаты – баланың өз бетінше дайындығы мен қабілетін қалыптастыру, адамзат мәдениетінің кез келген саласында жаңа іс-әрекеттерді шығармашылықпен игеру және қайта құру.
Мемлекеттік жалпыға міндетті білім беру стандартында балалардың бойында дамытылуы қажет кең ауқымды дағдылардың бірі – зерттеу дағдыларын дамыту. Осыған орай, «Өрлеу» Қызылорда облысы бойынша филиалының жоспарына сәйкес «Бастауыш мектепте оқушылардың зерттеу жұмысын дамыту: теория және практика» тақырыбында облыстық ғылыми-тәжірибелік онлайн конференция өтті.
Бастауыш сынып оқушыларының зерттеу дағдыларын дамыту мәселелері бойынша тәжірибе алмасуға бағытталған конференция жұмысына бастауыш сынып мұғалімдері, директордың орынбасарлары және білім бөлімдерінің әдіскерлері қатысты.
Конференция барысында бастауыш сынып оқушыларының зерттеу дағдыларын дамыту, сабақта және сабақтан тыс уақытта зерттеу жұмыстарын жүргізу, ғылыми жоба жазуға ынталандыру, отбасылық тәрбиенің зерттеу жұмысына ықпалы, «Цифрлық сауаттылық» пәнінде оқушылардың зерттеу дағдыларын дамыту тақырыптары қарастырылды. Сонымен қатар, қатысушылар ұлттық құндылықтарды, экологиялық, тұрмыстық тақырыптарды, жергілікті жердегі өнімдерді қолдану арқылы пайдалы өнімдер шығару, жергілікті жердегі атақты тұлғалардың өмірі мен еңбегін зерттеу тәжірибелерімен бөлісті.
Ғылыми-тәжірибелік конференцияның қорытынды бөлімінде педагогикалық проблемаларды шешу, білім берудегі ортақ мақсаттарға жету үшін тиімді жұмыстарды жүргізу жолдары ұсынылып, кері байланыс берілді.
