Еліміздің ордасы Астана қаласында «№8 мектеп лицей» КММ базасында «Өрлеу» ББЖҚБАРИ аға оқытушысы Комекова Сандугаш Оралхановнаның ұйымдастыруымен «Жан басына қаржыландыруға өту жағдайындағы инновациялық менеджмент» тақырыбында орта білім беру ұйымдары директорларына арналған біліктілікті арттыру курсы сәтті аяқталды.
Курс барысында жан басына қаржыландыруға көшу жағдайындағы орта білім беру саласындағы мемлекеттік саясаттың негізгі бағыттары мен нормативті қаржыландыру бойынша заңнамалары зерделеніп, ұйымды қаржыландыруда құқықтық реттеудің белсенді және инновациялық әдістері талқыланды. Мектеп басшысының басқарушылық және шешімдерді қабылдау үшін қаржылық сауатты болу мен белгілі бір дербестігі болуы қажеттігі туралы айтылды.
Жекеменшік мектептер желісін дамыту мақсатында «Білім туралы» Қазақстан Республикасының Заңына толықтырулар енгізілді – осылайша, жекеменшік мектептерде орта білім беруге мемлекеттік білім беру тапсырыстарын орналастыру мүмкіндіктері қарастырылды.
(1) Пікір
Пікірлер жабық.