21 сәуірде Нұр-Сұлтан қаласында «Білім негізі – бастауыш мектеп» атты бастауыш сынып мұғалімдерінің форумы өтті.
Нұр-Сұлтан қаласының Білім басқармасы мен Білім беруді жаңғырту орталығының ұйымдастыруымен өткен форумға ҚР Білім және ғылым министрлігінің, ҚР БҒМ Ы.Алтынсарин атындағы ҰБА-ның, Л.Н. Гумилев атындағы Еуразия ұлттық университетінің, ҚР БҒМ «Республикалық ғылыми-практикалық білім мазмұнын сараптау орталығы», «Назарбаев Зияткерлік мектептері» ДББҰ-ның өкілдері және бастауыш сынып мұғалімдері, БАҚ өкілдері, қоғамдық ұйымдар қатысты.
Жиын барысында бастауыш білім беруде сауатты және көркем жазуға үйретудің инновациялық технологиялары мен тиімді әдіс – тәсілдері, математикалық сауаттылықты дамыту ерекшеліктері, бастауыш білім беру мазмұнын жетілдіру, білім берудің әдістемелік жүйесі сынды сауалдар талқыланды.
Пленарлық отырыста «Өрлеу» – Нур-Султан Кәсіби даму институтының директорының м.а. Жанкарина А.Т «Повышение предметных компетентностей педагогов начальной школы – одна из основных задач деятельности» атты баяндама жасады.
