“Өрлеу” Астана қаласы бойынша Кәсіби даму институтының диалогтық алаңында Астана, Ақтөбе және Атырау қалалары №17 мектептерінің бірегей нетворкингі өтті.
“Білім сапасы: пәнаралық интеграция және цифрландыру” тақырыбында онлайн режимде өткен республикалық семинар 120-дан астам математика және информатика пәні мұғалімдерінің басын біріктірді. Пәнаралық интеграция және цифрландыру қазіргі педагогикалық практиканың ажырамас бөлігіне айналуда.
Осыған сәйкес мұғалімдер оқу процесіне цифрлық ресурстарды интеграциялау әдістерін, француз тіліндегі интегративті математика сабақтарын, голограмма жасау технологияларын, сондай-ақ балаларды бөлмені жөндеуді жоспарлау және оқушылардың функционалдық сауаттылығын дамытудың басқа бағыттары сияқты практикалық тапсырмалар үшін математикалық есептеулерді қолдануға қалай үйрету керектігін талқылай отырып, практикалық тәжірибелерімен бөлісті.
Қатысушылардың жалпы саны Түркістан, Атырау, Ақтөбе облыстары мен Астана қаласын қоса алғанда, әртүрлі өңірлерден 120-дан астам педагогты құрады. Бұл семинар еліміздегі білім сапасын арттыруға бағытталған, тәжірибе мен идеялар алмасу үшін тамаша мүмкіндік болды.
Спикерлердің сөз сөйлеуі мектеп білімін жетілдіруге ықпал ететін жаңа идеялардың, шабыт пен практикалық шешімдердің қайнар көзі болады деп үміттенеміз.
Педагогикалық ұжымға белсенді қатысқаны үшін алғыс айтамыз!
