«Бір ел – бір кітап» республикалық акциясының қорытындысы және 2025 жылы акция аясында оқитын кітапты таңдау отырысы өтті.

Бүгін ҚР Ұлттық академиялық кітапханасында дәстүрлі «Бір ел – бір кітап» республикалық акциясының қорытындысы және 2025 жылы акция аясында оқитын кітапты таңдау отырысы өтті.Қазақстанда «Бір ел – бір кітап» республикалық акциясы 2007 жылдан бастап, ҚР Мәдениет және ақпарат министрлігінің қолдауымен ҚР Ұлттық академиялық кітапханасы мен Қазақстан Республикасының кітапханалық қауымдастығының ұйымдастыруымен жылма-жыл өткізіліп келе жатқан танымал жоба.Жоба аясында осы жылдар ішінде түрлі форматта кездесулер, жаңа технологиялық ақпараттар арқылы виртуальды көрмелер, сайттар, челлендждер, байқаулар ұйымдастырылып, оған миллиондаған аудитория тартылды.Биылғы «Бір ел – бір кітап» акциясы аясында оқитын кітап болып жазушы Тәкен Әлімқұлов пен ақын Жұмекен Нәжімеденовтың шығармалары таңдалды.Қадірлі оқырман, биылғы жылға таңдалған шығармаларды бірге оқып, олардан мәнді ойлар мен рухани азық алуға шақырамыз.