Ағымдағы жылдың 19 мамырында Тараз қаласының №16 бөбекжай-бақшасында біліктілікті арттыру курстарының тыңдаушыларына «Педагогикалық идеялар панорамасы» Республикалық бейне-сабақтар мен бейне-дәрістер конкурсының өңірлік кезеңіне қатысу бойынша кездесу өткізді.
Кездесу барысында А.Әбілова мен С.Шевченко конкурс өткізу Ережесімен, бейнематериалды ресімдеуге қойылатын негізгі талаптармен және конкурсқа қатысу үшін өтінім беру нысанымен егжей-тегжейлі таныстырды. Мұғалімдер сюжеттің құрылымы, сценарийді әзірлеу, түсірілім сапасы және монтаждау ерекшеліктері туралы сұрақтар қойды.
Тыңдаушылардың сұрақтарына жауап беруге 2022 жылғы «Педагогикалық идеялар панорамасы» республикалық байқауының өңірлік турының жеңімпаздары – №16 бөбекжай-бақшасының логопеді Субботкина Ольга және №9 бөбекжай-бақшасының қазақ тілі мен әдебиеті пәні мұғалімі Шүкірбаева Жадыра атсалысты. Іс-шара соңында педагогтер Жамбыл – «Өрлеу» ұжымына ұсынған ақпараттары үшін алғыс айтып, конкурсқа қатысуға ниеттерін білдірді.
Құрметті, ұстаздар, естеріңізге саламыз:
Конкурсқа қатысуға өтінімдер 2023 жылғы 10 қазанға дейін https://ppi.orleu-edu.kz сайтында қабылданады.
Қосымша ақпарат алу үшін «Өрлеу» БАҰО» АҚ филиалы Жамбыл облысы бойынша Кәсіби даму институты мына мекен-жай бойынша хабарласыңыз: Тараз қаласы, Төле би көшесі, 69А, тел: 8(7262) 54-61-81.
