«Өрлеу» біліктілікті арттыру ұлттық орталығы ұйымдастырған онлайн курс мұғалімдерге жасанды интеллектпен жұмыс істеудің базалық дағдыларын меңгеруге мүмкіндік берді. Курстан өткен педагогтер цифрлық платформалардағы түрлі құралдарды оқу процесіне тиімді енгізіп, бұл бағытта білімін өз бетінше жетілдіруді жалғастыруда.
Костанай қаласының биология пәні мұғалімі Татьяна Гаджиева жасанды интеллектіні сабақ барысында жүйелі әрі тиімді қолданып жүрген педагогтердің бірі.
Айта кетейік, соңғы екі айда еліміздің барлық өңірінен 300 мыңға жуық мұғалім жасанды интеллектіні сабақта қолдану бойынша онлайн курстан өтті. Курсқа қатысу үшін reg.orleu.edu.kz платформасы арқылы тіркелу қажет.