Ағымдағы жылдың 3-4 сәуір күні Оралдағы «Өрлеу» Кәсіби білім беру кафедрасының тренерлері және әдіскерлері облыс педагогтерін курстан кейінгі қолдау мақсатында екі күндік жылжымалы семинар-практикум өткізуде.
Бұл шаралар 2021-22 ж.ж. біліктілікті арттыру курсынан өткен жалпы орта білім беретін мектеп мұғалімдеріне арналған әдістемелік десант шеңберінде ұйымдастырылды.
Мақсаты: 2021-2022 жылдары біліктілікті арттыру курстарынан өткен педагогтердің сабақтарына қатысу;
– сабақтарды бақылау қорытындысы бойынша мұғалімге жеке сындарлы кері байланыс беру;
– тәжірибеде анықталған проблемалар мен қиындықтарды бірлесіп талқылау және шешу жолдарын іздеу;
3 сәуір күні аға оқытушылар Сайра Сексенбаева, Рауан Мулдагалиева, бас әдіскер Кулян Дуйсенгалиева Ақжайық аудан орталығындағы М. Әуезов атындағы ЖОББМ, №1 ЖОББМ, Абай атындағы мектеп-гимназиясының 2021-2022 жылдары біліктілікті арттыру курсынан өткен педагогтердің сабақтарына қатысты. Сондай-ақ Абай атындағы мектеп-гимназиясы базасында «Мұғалімнің кәсіби өсуі – оқыту сапасын арттырудың негізгі шарты» тақырыбында аудан орталығындағы мектеп педагогтеріне семинар-практикум ұйымдастырылып, тәжірибеде анықталған проблемалар мен қиындықтарды бірлесіп талқылау және шешу жолдарын қарастырды.
Бүгін 4 сәуір күні бас әдіскер мен аға оқытушылар Жаңабұлақ ЖОББМ, Бударин мектеп-бөбекжай кешені мұғалімдерінің сабақтарына қатысып, семинар өткізуде.
