5 ақпан күні Оралдағы «Өрлеу» филиалында «Математика мұғалімдерінің функционалдық сауаттылығын жақсарту үшін цифрлық ресурстарды пайдалану” тақырыбында вебинар өтті.
Вебинар мақсаты оқушылардың функционалдық сауаттылығын бағалау үшін цифрлық ресурстарды қалай пайдалану керектігін көрсету. Шараны Педагогика және пәндік әдістер кафедрасының тренері Анаргүл Абдрахманова ұйымдастырды. Қатысушылар математикада динамикалық модельдер мен графиктерді құру үшін пайдалануға болатын сандық құралдардың (GeoGebra, Desmos, интерактивті модельдеу) функционалдығымен танысып, интерактивті тапсырмаларды (LearningApps, Quiz, Pickers, Joyteka )құру үшін платформаларды пайдалануды үйренді. Вебинар барысында тренер сандық ортада топтық жұмыс пен тиімді кері байланысты ұйымдастыруға болатын онлайн тақталармен және бірлескен кеңістіктермен (Miro, Padlet) жұмыс істеу дағдыларын дамытты. Пән мұғалімдері GeoGebra және Desmos көмегімен интерактивті графиктер мен тапсырмаларды құруды үйреніп, оқушыларды бағалау үшін тесттер мен тапсырмалар жасау үшін платформалар қолданды.
Шараға мақсатты мектептердің математика мұғалімдері белсенді қатысып, өз тәжірибелерімен бөлісті.
