2022 жылдың 2 тамызында білім және ғылым жаңалықтары дәріптелетін «Шалқар» радиосының «Шалқар шаңырағында» хабарында Өрлеу ББЖҚБАРИ «Менеджмент және инклюзивті білім беру» кафедрасының меңгерушісі, п.ғ.к. Маханбетова А.Ә. «Бала тәрбиесіндегі мектеп пен отбасы ынтымақтастығы» тақырыбында сұхбат берді.
Тікелей эфирде радиожурналист Нұржамал Янгибаеваның қойған сұрақтарына жауап бере отырып, Ағима Әбілқызы жасөспірімдерді тәрбиелеуде мектеп пен отбасы арасындағы өзара сабақтастық пен ынтымақтастық үйлесімді болуына және бүгінгі таңда мектепте ата-аналармен жұмысты тиімді ұйымдастыруға баса назар аудару керектігі туралы ой-пікірін ортаға салды.
