«Өрлеу» – Жамбыл аға оқытушылары Мадина Садибекова және Магира Сопбекова «Ерекше білім беруді қажет ететін мектепке дейінгі жастағы балалармен жұмыста М.Монтессори жүйесін қолдану» тақырыбында облыстық оn-line семинар-практикумын өткізді. Іс-шараға Тараз, Нұр-Сұлтан қаласы, Байзақ, Меркі, Шу аудандарының мектепке дейінгі ұйым педагогтері қатысты. Семинар барысында Монтессори технологиясының ерекше білім беруді қажет ететін мектепке дейінгі жастағы балалар үшін маңызы көрсетілді. Нұр-Сұлтан қаласының №32 бөбекжай-бақшасы мен Байзақ ауданы «Астана» бөбекжай-бақшасының педагогтері Монтессори кабинетінде шебер-сынып жүргізіп, тәжірибелерімен бөлісті.
Жұлдыз Кошербаева, ӘжПИ кафедрасының аға оқытушысы
