Нысаналы мектеп мұғалімдеріне арналған семинарлар

«943 – Қазақстанның мақсатты мектептерін дамыту» жобасы аясында педагогтердің посткурстан кейінгі қолдау бойынша Қостанай облысы «Өрлеу» институтының филиалымен Қостанай қаласындағы КГУ «Негізгі орта мектеп № 25» және Федоров ауданы білім бөлімінің «Банновка жалпы білім беретін мектебі» базасында семинарлар ұйымдастырылды. Педагогика және пәндік әдістемелер кафедрасының аға оқытушысы Ольга Владимировна Бурага «Сабаққа бақылау жасау – педагогикалық дағдыларды дамытуға арналған кілт» тақырыбы бойынша семинарлар өткізді. Іс-шара сабақтарды бағалаудың критерийлерін педагогтардың тереңірек түсінуін және конструктивті бақылау дағдыларын қалыптастыруға бағытталды.
Семинар барысында қатысушылар интерактивті форматта жұмыс істеп, сабақтарға бақылау жасағанда назар аударуға қажетті негізгі аспектілерді талқылап, анықтады. Объективті бағалаудың маңыздылығына басты назар аударылды, ол педагогтардың өз-өзін талдау жасауына және кәсіби практикаларының дамуына ықпал етеді.
Семинарда кері байланыс беру формаларына ерекше назар аударылды, олар оқытуда өсу мен прогресті ынталандыруға бағытталған. Педагогтар ұсыныстар дайындап, конструктивті сынның білім беру процесін және жеке оқыту әдістерін жетілдіруге қалай көмектесетінін талқылады. Осылайша, семинар білім сапасын жоғарғы дәрежеге көтеруге бағытталған жаңа тәсілдерді іздеуге арналған маңызды алаңға айналды.