Құрметті педагогтер!
Азғана уақыт қалды! «Барлығына қолжетімді сапалы білім» Ұлттық баяндамасы шеңберінде берілген «943 – елдің нысаналы мектептерін дамыту» жобасын іске асыру аясында LMS платформасында базалық деңгейдегі онлайн курстарға тіркелу жалғасуда.
Онлайн курсқа тіркелу уақыты 9 тамызға дейін екенін естеріңізге саламыз!
Тіркелу 5-9 тамыз аралығында https://bc.orleu-edu.kz сайтында жүргізілуде. Онлайн курсқа тіркелу үшін https://bc.orleu-edu.kz веб-сайтына өтіп, «Оқуды бастау» батырмасын басып, тіркелу терезесінде 1-5 қадамдарды орындау қажет.
Облыс бойынша 37 нысаналы мектептің педагогтеріне сындарлы-әдістемелік көмек көрсетілетін болады.
Көрсеткіштерге сүйенетін болсақ, 6 тамыз күні – 764 педагог, 7 тамыз – 1186, 8 тамыз күнгі көрсеткіш – 1449-ды құрайды.
11 пән бойынша базалық деңгейдегі онлайн курстарды «Өрлеу» біліктілікті арттыру ұлттық орталығы» АҚ өткізетін болады. 12 тамыздан бастап бастауыш сынып, 19 тамыз күні қоғамдық-гуманитарлық бағыт пәндері педагогтері, 26-27 тамыз күні жаратылыстану-математика пәндері педагогтеріне курстар басталады.
Оқу курстары тегін өтетінін хабарлай отырып, педагогтерді курстарға белсенділікпен тіркелуге шақырамыз!
