«Өрлеу» БАҰО» АҚ ұйымдастырған функционалдық сауаттылықтың жеті бағыты бойынша өткен республикалық конкурс өз мәресіне жетіп, Жамбыл облысы педагогтерінің жарқын жеңістерімен қуантты!
🏆 Біз өңіріміздің білім беру саласын алға сүйреп жүрген білікті де шығармашыл ұстаздарымызбен мақтанамыз:
🥈 Александр Скалкин — №40 мектеп-гимназиясының физика пәнінің мұғалімі — ІІ орын,
🥉 Гүлбақыт Бердалиева — №7 «Келешек» мектебінің орыс тілі пәнінің мұғалімі — ІІІ орын,
🥉 Мейіртан Талғат — №45 мектеп-гимназиясының биология пәнінің мұғалімі — ІІІ орын иеленді.
Бұл жетістіктер — қажырлы еңбектің, кәсіби шеберліктің, тың идеялар мен ұстаздыққа деген шынайы адалдықтың айқын көрінісі!
Айта кетейік, «Педагогикалық идеялар панорамасы» конкурсы Қазақстан Республикасы Білім және ғылым министрінің 2011 жылғы 7 желтоқсандағы №514 бұйрығымен бекітілген республикалық және халықаралық конкурстар тізіміне енген.
Жеңімпаз әріптестерімізді шын жүректен құттықтаймыз!
Алдағы уақытта да шығармашылық табыс, жаңа белестер мен толағай жеңістер тілейміз!
