Үстіміздегі жылдың 24 мамыр күні «Робототехника негіздері, құрастыру және бағдарламалау» тақырыбында семинар өтті. Жамбыл облысы бойынша Кәсіби даму институтының аға оқытушысы Избасаров Ербол Шу ауданының педагогтеріне Робот техникасының болашағы, қолдану аймақтары, робот техникасының түрлері, Робот техникасы бойынша халықаралық жарыстар (WRO) және LEGO MINDSTORMS EV3 Education жиынтығы туралы соңғы жаңалықтарды жеткізді. Семинарға қатысушылар жаңа технологияларды меңгеруге қызығушылық танытып, инженерлік және негізгі ғылым саласындағы заманауи дағдыларын дамытуға мүмкіндік алды.
