12 сәуірде танымал ғалым Қаныш Сәтбаевтың туған күні атап өтіледі. Осы тамаша адамды еске алу үшін Семей қаласының білім бөлімінің ақпараттық қолдауымен Семей қаласының №2 жалпы орта білім беретін мектебінің бастамасымен алғаш рет оқушылардың “Сәтбаев оқулары” атты қалалық ғылыми конференциясы өткізілді.
Қазақстанда оқушылардың ғылыми жобаларының түрлі ғылыми-практикалық конференциялары мен конкурстары өткізіледі. Осы конференцияны өткізу идеясы қалай пайда болды? Семей қаласының №2 жалпы орта білім беретін мектебі Қаныш Сәтбаев есімімен аталады және оның есімімен аталатын көшеде орналасқан. Қаныш Сәтбаевтың өмірі мен қызметіне арналған іс-шараларға дайындалу барысында оқушылар жас ғалымдар рөлін атқара алатын ғылыми конференция ұйымдастыру идеясы келді.Қатысушылардың жұмыстарын тәуелсіз қазылар алқасы бағалады, оның құрамына ШҚО бойынша “Өрлеу” филиалының Абай облысы бойынша өкілдігінің басшысы Равия Искакова шақырылды. Қатысушылардың жұмыстары мазмұны жағынан әр түрлі және қызықты болды.
Практикалық бағыты мен айқын зерттеу сипаты бар балалардың жобалары қазылар алқасының қызығушылығын тудырды: мектеп мұражайы бойынша виртуалды экскурсия (Токарева Анастасия, №29 ЖОББМ), Семей қаласындағы мемориалдық кешендерді сақтау және дәріптеу жобасы (Бауыржанұлы Айтуған, №28 ЖОББМ), туристік экокоттедж жобасы (Роженцева Вера, Алиманова Даяна, ЖОББМ №29), “Әлем картасындағы Қ.Сәтпаевтың есімі” жобасы (Обухова Карина, №2 ЖОББМ), Мирный кентінің тарихы (Абубакирова Екатерина, №2 ЖОББМ), Экодом моделі (Бейсекенов Кәрім, №29 ЖОББМ). Балалар Семей қаласының білім бөлімінің дипломдарымен және сертификаттарымен марапатталды.
Мұндай конференцияны өткізудегі алғашқы тәжірибе сәтті болды. Сондықтан оны жыл сайын Семей қаласының ғана емес, Абай облысының да оқушыларының қатысуымен өткізу туралы шешім қабылданды. Семей қ. Қ. Сәтбаев атындағы №2 жалпы орта білім беретін мектебінің басшылығына зерттеу қызметіне қызығушылық танытатын дарынды балаларға тамаша мүмкіндік бергені үшін алғыс айтамыз! Жаңа қызықты идеялар мен кәсіби табыстар тілейміз! Ынтымақтастыққа ашықпыз!
