Ағымдағы жылдың мамыр айында «Жамбыл облысы Кәсіби даму институты» филиалының аға оқытушылары Жұлдыз Кошербаева, Кунсулу Таукебаева Жамбыл ауданы, Түркісіб ауылы, №6 мектеп гимназиясында «Технологиялық тәсіл негізінде сабақты жобалау және дарынды оқушылармен ғылыми-зерттеу жұмысын жүргізу» тақырыбында семинар өткізді. Мақсаты: қысқа мерзімді жоспарды және зерттеушілік іс-әрекеттерін тиімді ұйымдастыру жолдарын қарастыру. Семинар барысында қатысушыларға Қазақстан Республикасы Білім және ғылым министрінің 2021 жылғы 16 қыркүйектегі № 472 бұйрығымен бекітілген қысқа мерзімді жоспарды оқыту процесінде тиімді жоспарлау, ғылыми-зерттеу жұмыстарын ұйымдастыру, зерттеу мәселесін тұжырымдау, гипотеза, болжамдарды және эксперименттік тексеруді жүргізу жолдары түсіндірілді. Семинар соңында қатысушыларға тиімді кері байланыс беріліп, ұсыныстары тыңдалды. Алдағы уақытта әдістемелік көмек көрсету жалғасын табады.
