Ұлттық Банк, Оқу-ағарту министрлігі және «Өрлеу» біліктілікті арттыру ұлттық орталығы бірлесіп іске қосқан қаржылай сауаттылықты арттыру жобасының биылғы кезеңі сәтті аяқталды.
Жоба аясында республика бойынша 10 мыңға жуық мұғалім қамтылып, педагогтердің экономика негіздері, қаржылық сауаттылық және жеке деректердің қауіпсіздігі бойынша дағдылары күшейтілді.
Биыл:
• заманауи оқыту әдістемелерін меңгерген Ұлттық Банктің 100 қызметкері, соның ішінде Қостанай облысы бойынша 5 маман, тренер сертификатын алды;
• еліміздің барлық өңірлерінде 6 мыңға жуық педагог бес күндік оқыту курстарынан өтті;
• Қостанай филиалында 250 мұғалім қазақ және орыс тілдерінде дайындықтан өтіп, курстар қараша айының соңына дейін жалғасты;
• тыңдаушылар бейне сабақтар, анимациялық материалдар, практикалық кейстер арқылы жаңа форматтағы оқытумен қамтылды.
Қатысушылар цифрлық қаржы, инвестициялық мінез-құлық, алаяқтықтан қорғану және жеке қаржыны тиімді басқару тақырыптары бойынша құнды білім алды.
Педагогтер меңгерген жаңа дағдылар енді мектептер мен колледждердің оқу бағдарламасына енгізіліп, оқушылардың қаржылық мәдениетін қалыптастыруға қызмет етеді.
Бұл – еліміздегі қаржылық білім беру сапасын көтеруге бағытталған маңызды әрі жүйелі қадам.
- 28 Ноя
- 2025