“Өрлеу”- Ақмола жобасы бойынша жаңа бастаған педагогтар үшін “Кәсіби мамандардың жастарға көмегі” әдістемелік көмек эстафетасы жобасын Көкшетау қаласындағы “Жұлдыз” бөбекжайы бақшасы қабылдады, оның тәрбиешілері Мектепке дейінгі білім беруде ойын технологияларын қолдану тәжірибесін таныстырды. Қатысушылар балалардың іс-әрекетін ұйымдастыру әдістерінің тиімділігін талқылады, “Орман ертегісі” көрінісінде ойнаған балалардың шығармашылық қабілеттерін бағалады, “Декупаж” шеберлік сабағына, “Ойнап сөйлеуге үйретеміз” ойынына қатысты, педагог-психолог дайындаған психологиялық жаттығулармен танысты. Іс-шара пікір алмасумен аяқталды.
