Оралдағы «Өрлеу» кәсіби даму институтында 28 қараша күні әйелдерге қатысты зорлық-зомбылықты жою үшін күрестің халықаралық күніне орай ұжымдық жиын өтті.
Басқосуда институт директоры Софья Измуханбетова ұжым қызметкерлерін зорлық-зомбылыққа немқұрайлы қарамауға, оны үн-түнсіз қалдырмауға, зорлық-зомбылықтан аман қалғандарды сөкпеуге шақырды.
25 қараша - Әйелдерге қатысты зорлық-зомбылықты жою бойынша халықаралық күрес күні. Және бұл күні гендерлік зорлық-зомбылыққа қарсы белсенді іс-әрекеттің 16 күндік науқаны басталады. Бұл науқан маңызды мәселелерді көтеру және гендерлік зорлық-зомбылық туралы күрделі пікірталастарды қолдау үшін таптырмас құрал болып табылады.
