10 сәуір күні Оралдағы «Өрлеу» Кәсіби даму институтында бірнеше пәндік курстар басталды.
Курстарға Кәсіби білім беру кафедрасының аға оқытушылары: Алина Абишева, Гүлмаржан Өтеғұл, Динара Жумагалиева, Нұржарқын Самиғолла сынды тренерлер жетекшілік етуде.
Курстар «5-9 сыныптарға арналған оқу бағдарламасы шеңберінде күрделі тақырыптар бойынша ағылшын тілі пәні мұғалімінің пәндік құзыреттіліктерін жетілдіру», «Жаһандық құзыреттіліктер», «Тарих пәні мұғалімдерінің пәндік құзыреттіліктерін дамыту» (5-9 сынып) тақырыптарын қамтиды.
Сонымен бірге Теректі ауданында да біліктілік арттыру курстары жүруде. Бұл курсты институттың аға оқытушысы Сәнім Әбитова «Развитие предметных компетенций учителей русского языка и литературы в освоении сложных тем в 5-9 классах» тақырыбында, «Қазақ тілі» және «Қазақ әдебиеті» пәні педагогтерінің базалық және пәндік құзыреттіліктерін дамыту (5-9 сынып)» тақырыбындағы курсты аға оқытушы Рауан Мулдагалиева жүргізуде.
Курс тыңдаушыларына жаңа білім беру бағдарламаларын табысты меңгерулеріне сәттілік тілейміз!
