2025 жылғы 15 сәуірде СҚО «Өрлеу» филиалы Петропавл қаласының Білім бөлімімен бірлесіп № 25 Әлихан Бөкейхан атындағы орта жалпы білім беретін мектеп базасында бастауыш сынып мұғалімдеріне арналған «Бастауыш сынып оқушыларының функционалдық сауаттылығын дамыту жолдары» тақырыбында облыстық семинар өткізді. 👩🏫📘
Семинар барысында СҚО «Өрлеу» біліктілікті арттыру курсының тыңдаушылары — Абдрахманова Ж., Жусупова А., Кусаинова А., Дукетбаева А., Каиржанова Т., Магзумова А., Жангудина Р. — ашық сабақтар өткізіп, білім алушылардың функционалдық сауаттылығын дамытудағы заманауи белсенді әдіс-тәсілдер мен практикалық тапсырмаларды тәжірибеде қолданудың тиімді жолдары бойынша өзара тәжірибе алмасты. ✍️🔍
Сонымен қатар оқу процесінде заманауи цифрлық ресурстар мен интерактивті білім беру платформаларын жүйелі қолдану арқылы білім алушылардың сыни ойлау қабілеті мен проблемаларды шешу дағдыларын дамыту мәселелері қарастырылды. 💻🧠
Семинар соңында СҚО «Өрлеу» филиалының «Жаратылыстану-математикалық бағыттағы кафедра» аға оқытушысы Алима Кабденова ашық сабақтарға талдау жасап, функционалдық сауаттылықты дамыту бойынша әдістемелік ұсынымдар берді. 📊🗂
№ 25 Әлихан Бөкейхан атындағы орта жалпы білім беретін мектеп директоры Сәуле Тұрсыноваға ынтымақтастығы мен кәсіби тәжірибесі үшін алғыс білдіреміз!