Конференцияның мақсаты — Абайдың «Толық адам» ілімінің мазмұнын заманауи білім беру кеңістігі тұрғысынан пайымдау, сондай-ақ рухани-адамгершілік құндылықтарға негізделген оқытудың теориялық және практикалық аспектілерін талдау арқылы педагогтердің кәсіби және шығармашылық әлеуетін арттыру.
Ауқымды шара барысына Қазақстанның түкпір-түкпірінен қатысқан ғалымдарды, оқытушыларды және педагог-практиктерді біріктірді: жалпы 150-ден астам қатысушы конференцияға қосылды оның ішінде 50-ге жуық педагог офлайн, 100-ден астамы онлайн, сонымен қатар 13 баяндамашы пікірталасқа белсенді қатысушы болды.
Талқылаудың негізгі бағыттары:
ұлттық білім беру мен тәрбиенің әдіснамалық негізі ретінде «Толық адам» ілімінің мазмұнын қалыптастыру;
жас ұрпақты «Адал азамат» біртұтас тәрбие бағдарламасы аясында адамгершілік-рухани құндылықтар негізінде тәрбиелеу;
білім беруді әділет пен парасат қағидаттарына сүйене отырып басқарудың құндылықтық негіздерін айқындау;
білім алушылардың барлығына тең мүмкіндік беретін қолжетімді, инклюзивті және құндылыққа бағытталған білім беру ортасын құру;
Абай даналығы мен ұлттық құндылықтарды цифрлық білім беру ресурстары арқылы меңгеру мүмкіндіктерін талдау.
Конференцияға қатысу үшін педагогтер жіберген барлық материалдар «Педагогикалық ізденіс» ақпараттық ғылыми-әдістемелік журналының №4 санында жарияланатын болады, бұл үздік тәжірибелер мен зерттеулерді кеңінен таратуға мүмкіндік береді.
Конференция спикерлеріне, модератор — Гүлмайда Насиевна Мусетаеваға мазмұнды жұмысы мен маңызды пікірталас алаңын ұйымдастырғаны үшін алғыс білдіреміз.
Абай мұрасы – әділетті, рухани бай және саналы Қазақстан азаматын тәрбиелеуде мәңгілік бағдар болып табылады.