2022 жылдың 21 сәуірінде Өрлеу ББЖ ҚБАРИ аға оқытушылары Комекова С.О. мен Абайдуллаева А.А. басшылығымен орта білім беру ұйымдары басшыларына арналған көшпелі практикалық сабақ негізінде Алматы қаласы, «І. Жансүгіров атындағы №130 гимназия» КММ базасында «Білім беруді тұрақты дамыту сапасын стратегиялық басқару» тақырыбында республикалық семинар ұйымдастырылды.
Семинар барысында аталған мектептің директоры Каскирбаева А.Х. тәжірибелік таныстырылымында мектеп тарихы туралы мағлұмат бере отырып, мектептің даму жоспарымен, басқару қызметі жүйесінің циклограммасы және мектеп реформасының негізгі бағыттары мен ұжымның жалпы жетістіктерімен таныстырды.
Орынбасарлары – Огай Н.В, Нагметова П.Т., Арынбаева А.К., Матвеева И.Г., Заманхан Р.К., Бекбаевалар А.Е. оқыту үдерісін тиімді басқарудың заманауи технологияларымен, мектептің қоғамдық бірлестіктерімен, басқа да ұйымдармен, ата-аналармен жұмыс байланысы, мұғалімдердің кәсіби қоғамдастығының қызметі туралы қатысушыларға мол мәліметтер берді
Тәжірибе алмасу мақсатында мектепішілік басқару жұмыстарын заманауи жүргізу, жоспарлау, оқыту, бақылау, бағалау және «Z» ұрпақтарын оқытуды талдау барысындағы жаңа педагогикалық тәсілдер анықталды. Сондай-ақ, білікті ұстаздар өз пәні сабақтарында ұйымдастыру кезеңін, үй жұмысын тексеру, өткенді пысықтау және қорытынды шығару бөліктері сияқты құрылымдарын кеңінен ашып, сабақтарын жоғары деңгейде көрсете алды. Семинар жұмысының мазмұны біз үшін теория мен практикаға ұштастырылған нәтежиелі жұмыс болды.
(2) Пікірлер
Пікірлер жабық.