Бүгін «Өрлеу» БАҰО» АҚ филиалы Жамбыл облысы бойынша Кәсіби даму институты Тараз қаласындағы ЖОО өкілдері мен педагогикалық мамандықтар студенттерінің қатысуымен «Педагог» кәсіби стандартының жобасын талқылау бойынша ақпараттық-түсіндіру жұмыстарын жүргізді. М.Х. Дулати атындағы ТарМУ «Ұстаз» институтының директоры Жолдасова Орынқыз өз сөзінде кәсіби стандарт – педагог мамандардың еңбек сапасының нормалары мен өлшемдерін бірыңғай түсіну, білікті педагогикалық кадрлар сапасына деген қоғамның жоғары сұранысын қанағаттандыруда маңызды құжат болып табылатынын атап өтті. Талдау барысында келесі ұсыныстар берілді: біріншіден, 2-тарауда педагогтің кәсіби құзыреттілігінің шеңберіне «педагогтың психологиялық дайындығы» критерийін енгізіп, көрсеткіштерін анықтау керек; екіншіден, 4-тарау Кәсіптер карточкаларында педагогтардың кейбір санаттары есепке алынбаған, сондықтан, интернаттық ұйым тәрбиешілері, арнайы және түзету, бейімдеу мекемелерінің тәрбиешілері, мектеп жанындағы интернат тәрбиешілері санаттарының кәсіптер карточкасын жасау.
Құрметті ұстаздар! Жамбыл-«Өрлеу» «Педагог» кәсіби стандартын талқылау жұмыстарын алдағы уақытта жалғастыратынын хабарлайды. Өз ойлары мен ұсыныстарымен бөлісуге немесе электронды поштаға сілтеме жіберуге шақырады. Электронды пошта: zhambylipk@orleu-edu.kz
