Ү.ж. 27 қазанда Жамбыл облысы бойынша Кәсіби даму институтының аға оқытушысы М.Садибекова Қордай ауданы «Айналайын» балабақшасының базасында «Мектепке дейінгі білім берудегі өзгерістер» тақырыбында облыстық семинар-практикум өткізді. Негізгі мақсат – мектепке дейінгі ұйымдардағы жаңа өзгерістерді тәжірибе жүзінде талдау. М. Садибекова Қордай ауданының мектепке дейінгі ұйым әдіскерлері мен тәрбиешілеріне мектеп жасына дейінгі балалары үшін XXI ғасыр дағдыларының маңызы, заттық-дамытушы ортасын тиімді құрудың жолдары, командалық ынтымақтастықты орнату және негізгі нормативті құжаттарын тәжірибе жүзінде талдау жұмысын жүргізді. Семинар-практикум жұмысына қатысушылар тәжірибелерінде кездесетін қиындықтары бойынша сұрақтарына нақты жауап алды. Алдағы уақытта тәжірибелік бағыттағы іс-шаралар жалғасын табады.
