Әр мамандықтың өзіндік ерекшеліктері бар. Музыка мұғалімінің де өзіндік “ерекшелігі” бар. Бұл мамандықтың күрделілігі “мұғалім” ұғымы мен “музыкант” ұғымына кіретін элементтердің тығыз байланысының қажеттілігімен анықталады.
Бүгін «Ақтөбе-Өрлеуде» «Музыка пәні мұғалімінің кәсіби құзыреттіліктерін дамыту» тақырыбындағы біліктілік арттыру курсы аясында «Cover Show» музыкалық бағдарламасы ұйымдастырылды.
Курстың соңғы күнінде өнерсүйгіш педагогтер – түрлі бағытта ән шырқап, түрлі аспаптарда ойнап, өз өнерлерін ортаға салды. Осылайша, аталған іс-шарада ұлтымыздың дәстүрлі музыкасы насихатталды. Осындай көңіл-күй сыйлаған музыка пәні мұғалімдеріне және курс жетекшісі Галия Сеткерееваға алғысымызды білдіреміз!