Талас ауданының мектепке дейінгі ұйым тәрбиешілеріне арналған біліктілікті арттыру курсы жалғасуда. Курс аясында тыңдаушылар ECERS-R шкаласының көмегімен мектепке дейінгі білім беру ұйымдарында топтардың заттық-дамытушы аймақтарына бағалау жүргізуді меңгеруде.
Курс тыңдаушылары «Астана» бөбекжай-бақшасында болып, ондағы «Қарлығаш», «Қошақан», «Балапан», «Гүлдер», «Ақ желкен» топтарының заттық-кеңістіктік даму ортасының мектеп жасына дейінгі балалар үшін жұмысын бақылады. Курс тыңдаушылары шағын топтарға бөлініп, жас ерекшеліктеріне қарай топтарға бақылау жүргізді. SPARK, CLASS, EDI, ECERS-3 және ECERS-R халықаралық диагностикалау құралдарының ерекшеліктерімен танысып, көшпелі-тәжірибелік сабақтар аясында сынақтан өткізуде.
Сонымен қатар, мектепке дейінгі ұйымның заттық-кеңістіктік даму ортасының сапасын бағалауға арналған цифрлық технологиялардың мүмкіндіктерімен танысуда. Тәжірибелі қызметкерлер әріптестерімен тәжірибе алмасып, ортақ мәселелерді талқылауда.
