Әр жаңа жоба — бұл білім беру жүйесінде алға жылжудың мүмкіндігі. Қазақстан Республикасының оқу-ағарту министрлігінің бастамасымен «Баршаға қолжетімді сапалы білім» ұлттық баяндамасы аясында «943 – елдің нысаналы мектептерін дамыту» республикалық жобасы іске қосылды.
📍 Жоба нені қамтиды?
- Еліміздің барлық өңірлерінің нысаналы мектептері қамтылды, оның ішінде Алматы қаласында 22 мектеп бар.
- Мектеп директорларына, оқу ісінің меңгерушілеріне, мұғалімдерге білім беру сапасын арттыру мақсатында әдістемелік көмек көрсетілуде.
- Үш деңгейде біліктілікті арттыру курстары ұйымдастырылуда (бастауыш сыныптар және профильдік пәндер бойынша):
1️⃣ Базалық деңгей — фундаменталды негіздер.
2️⃣ Негізгі деңгей — құзыреттіліктерді кеңейту.
3️⃣Ілгері деңгей — инновациялық әдістемелермен жұмыс.
🌟 Қазіргі уақыттағы жетістіктер:
- 2024 жылдан бері 1000-ға жуық педагог онлайн түрде «Өрлеу» платформасында тегін біліктілікті арттыру курстарынан өтті.
- Алғашқы қадамдар жақсы нәтижелер көрсетіп, мұғалімдердің кәсіби деңгейі мен білім беру сапасы жақсаруда.
🎯 Ұзақ мерзімді перспективасы:
«943 – елдің нысаналы мектептерін дамыту» жобасы тек білім беру ортасын жақсартумен шектелмейді, ол білім беру жүйесінің тұрақты өсуіне және жаңа білім беру стандарттарын енгізуге негіз болады.
💡 Бірлесе отырып, біз болашаққа негіз қалап, білімнің қолжетімді, сапалы және заманауи талаптарға сәйкес болуын қамтамасыз етеміз!