«943 – ЕЛДІҢ НЫСАНАЛЫ МЕКТЕПТЕРІН ДАМЫТУ» жобасы аясында педагогтерге арналған онлайн базалық курс семинарлары өткізілуде

Ағымдағы жылдың 8 қаңтары мен 24 қаңтары аралығында «Өрлеу» біліктілікті арттыру ұлттық орталығы ұйымдастыруымен «943 – ЕЛДІҢ НЫСАНАЛЫ МЕКТЕПТЕРІН ДАМЫТУ» жобасы аясында педагогтерге арналған онлайн базалық курс семинарлары өткізілуде. География, физика, математика, информатика, химия, биология, ағылшын тілі, қазақ тілі мен әдебиеті, орыс тілі мен әдебиеті, бастауыш сынып, тарих пәндері бойынша ұйымдастырылған базалық курс семинарлары білім беру саласында жаңа әдіс-тәсілдерді меңгеру, кәсіби дағдыларды жетілдіру және оқушыларға сапалы білім беру жолында маңызды қадам болып табылады. Семинар барысында педагогтер:- заманауи оқыту әдіс-тәсілдерін меңгеріп, білім беру саласындағы жаңа тенденциялармен таныса алады;-педагогтерге пәндерді тиімді әрі шығармашылық тұрғыда оқыту дағдыларын дамытуға мүмкіндік береді;-білім беру үдерісінде ақпараттық-коммуникациялық технологияларды қолдану арқылы оқытуды тиімді ұйымдастыру мүмкіндігіне ие болады. Құрметті мұғалімдер, Сіздерді осы маңызды семинарға қатысып, кәсіби біліктіліктеріңізді шыңдауға шақырамыз!