ҰЛТТЫҚ ҚҰНДЫЛЫҚТАРДЫ БАЛАБАҚШАДА ДАМЫТУ: ӘДІСТЕМЕЛІК КЕҢЕС

ҰЛТТЫҚ ҚҰНДЫЛЫҚТАРДЫ БАЛАБАҚШАДА ДАМЫТУ: ӘДІСТЕМЕЛІК КЕҢЕС15 қаңтар күні «Алтын сақа» жекеменшік балабақшасында ерекше әдістемелік жұмыс жүргізілді. Балабақша педагогтері үшін Ұлттық құндылықтарды балаларға жеткізу мен дамыту бағытында маңызды кеңестер берілді. Өрлеу-Маңғыстау филиалының аға оқытушысы А.Жумабаева балабақшадағы педагогтермен бірге заттық кеңістіктік ортаны ұйымдастыру, балаларға ұлттық тәрбиені ұғындыру жолдары туралы маңызды ақпаратпен бөлісті.Баланың алғашқы қадамдары осы жерде жасалып, ұлттық құндылықтар – салт-дәстүр, тіл, өнер, мәдениет – ұрпақ санасында ұялауы тиіс. Оқу мен тәрбие бірлігі арқылы әр бала қазақ халқының бай мұрасымен танысып, оны өз болашағында ұстанатын азаматқа айналады. А.Жумабаева педагогтердің кәсіби деңгейін көтеру, ұлттық құндылықтарды бала бойына сіңірудің жаңа тәсілдерін үйретті. Заттық кеңістіктік орта балалардың шығармашылығын дамытуға, олардың мәдени мұраны терең түсінуіне ықпал етеді. Бұл әдістемелік кеңес – ұлттық рухты сақтау мен дамыту жолындағы маңызды қадам!