Қазіргі әлем мен білім беру саласындағы қарқынды өзгерістер жағдайында жүйені дамытуға стратегиялық тұрғыдан қарау – әсіресе педагогтердің кәсіби өсуіне баса назар аудару – аса маңызды.
Бүгін маңызды оқиға орын алды — филиалдың жаңартылған Ғылыми кеңесі бекіткен Қостанай облыстық «Өрлеу» филиалының 2029 жылға дейінгі даму бағдарламасы қабылданды. Кеңес құрамына ғалымдар, мектеп директорлары, практик-педагогтер мен институт қызметкерлері кірді. Бұл оқиға Институттың кәсіби траекториясындағы жаңа кезеңнің бастамасы болды.
Даму бағдарламасын әзірлеу ашықтық пен серіктестік рухында өтті: фокус-топтар, сұхбаттар, стратегиялық сессиялар барысында стейкхолдерлер, педагогтер, басшылар мен серіктестер нақты, шынайы әрі шабыттандыратын өсу бағытын айқындауға мүмкіндік берді.
Бағдарлама 7 негізгі бағытты қамтиды.
Негізгі назар стратегиялық басқаруға көшу мен ішкі жұмысты трансформациялауға бағытталған. Бұл:
– мақсаттарды кафедралар мен бөлімдер деңгейіне дейін каскадтау,
– жаңа қызмет түрлерін жобалау,
– барлық бизнес-процестерді біртұтас цифрлық платформада біріктіру,
– рефлексия мәдениетін, жобалық және стратегиялық тәсілдерді дамыту.
Expect – Inspect – Direct – Respect – Reflect қағидаттары болашақ дамудың әдіснамалық негізіне айналды.
Зерттеушілік қызметті дамытуға ерекше көңіл бөлінді: бағдарламада эпизодтық зерттеулерден жүйелі ғылыми-әдістемелік жұмысқа көшу көзделген.
Бекітілген Даму бағдарламасы – бұл жай құжат қана емес, сапалы педагогикалық өсуді қамтамасыз етуге арналған нақты практикалық құрал. Ол Институттың ішкі дамуына ғана емес, бүкіл Қостанай облысы педагогтерінің кәсіби қалыптасуын жүйелі түрде қолдауға арналады.