«Өрлеу» біліктілікті арттыру ұлттық орталығы» АҚ филиалы Атырау облысы бойынша Кәсіби даму институтында ұстаздарға арналған мазмұнды әдістемелік күн өтті. Шара барысында тың тақырыптар қозғалып, заманауи педагогикалық тәсілдер талқыланды.
Нұргүл Даулетова – Қоғамдық-гуманитарлық бағыттағы кафедра меңгерушісі «АДАЛ АЗАМАТ» біртұтас тәрбие бағдарламасы бойынша нәтижелер мен жаңа оқу жылындағы басымдықтар туралы мазмұнды баяндама жасап, тәрбие жұмысын ұйымдастырудың өзекті тұстарына тоқталды.
Қоғамдық-гуманитарлық бағыттағы кафедра аға оқытушысы Алтынай Аронова «Сторителлинг – оқиға арқылы ақпаратты жеткізу әдісі» тақырыбындағы тренинг өткізіп, қатысушыларға ақпаратты әсерлі жеткізу мен оқушылармен тиімді байланыс орнатудың жаңа тәсілдерін ұсынды.
Меруерт Дюсенова – Жаратылыстану-математикалық бағыттағы кафедра аға оқытушысы ұйымдастырған шебер-сыныпта қатысушылар жасанды интеллект көмегімен презентация жасаудың практикалық әдістерімен, білім берудегі цифрлық мүмкіндіктермен таныстырды.
Осындай мазмұнды іс-шаралар педагогтердің кәсіби шеберлігін шыңдап, білім саласына жаңа серпін береді.