Қазақстанда мұғалімдерге арналған «Робототехника және STEM-білім беру» курстары жалғасуда. Бағдарлама конструкторлық ойлау, техникалық шығармашылық және бағдарламалау сияқты бағыттарды қамтиды.
Курс жаратылыстану пәндерінің мұғалімдеріне арналған. Жыл соңына дейін барлығы 1090 педагог осы бағдарлама бойынша біліктілігін арттырады. Былтыр мыңға жуық адам қамтылған.
STEM-білім беру «Өрлеу» ұлттық орталығының барлық филиалдарында белсенді дамып келеді. Мәселен, Алматы қаласында ұстаздар арасында робототехника бойынша сайыстар ұйымдастырылды. Мұндай тәсіл педагогтерге жаңа білімді тез игеруге және кәсіби шабыт алуға көмектеседі.