15 қаңтар күні «Өрлеу» біліктілікті арттыру ұлттық орталығының YouTube платформасында педагогтерге арналған мазмұнды тікелей эфир өтті. Онлайн кездесу кәсіби тәжірибе алмасуға және заманауи оқыту әдістерін талқылауға бағытталды.
Тікелей эфир спикері — «Педагогикалық идеялар панорамасы – 2025» республикалық байқауының жеңімпазы, Орал қаласындағы эстетикалық бағыттағы гимназияның қазақ тілі мен әдебиеті пәні мұғалімі Г. Джумашева. Эфир барысында ол «Инфодетектив (САМ)» ақпаратты талдау әдісін қолдану тәжірибесімен бөлісіп, оның оқушылардың сыни ойлауын, оқу сауаттылығын және ақпаратты бағалау дағдыларын дамытудағы маңызын атап өтті.
Еліміздің әр өңірінен қосылған педагогтер белсенді қатысып, ұсынылған тәжірибеге жоғары қызығушылық танытты.
