Жаңа оқу жылында «Өрлеу» біліктілікті арттыру ұлттық орталығының InTrend корпоративтік даму бағдарламасы алғашқы дәрісін өткізді. Кәсіби ұжым қызметкерлеріне сыбайлас жемқорлыққа қарсы комплаенс офицері Сакенов С.Е «Ұйымдағы комплаенс: ішкі бақылау жүйесіндегі орны мен маңызы» тақырыбында мазмұнды дәріс оқыды.
Тренинг барысында ішкі бақылау жүйесінің құрылымы мен комплаенс мәдениетін қалыптастыру қатысты өзекті мәселелер талқыланды. Атап айтқанда:
- комплаенс-бақылаудың ішкі бақылау жүйесіндегі орны;
- реттеуші тәуекелдер және сыбайлас жемқорлыққа қарсы талаптар;
- «Үш қорғаныс желісі» үлгісі;
- комплаенс мәдениетін дамытуға арналған коммуникация және оқыту тәсілдері.
Дәріс интерактивті форматта өтіп, аймақтық филиалдар онлайн қосылып, пікір алмасты.
